APL klublari "Nottingem Forest"dan ochko olib qo'yilishini kutishmoqda

Premer-liga klublari "Nottingem Forest" moliyaviy feyr-pley qoidalarini buzgani uchun ochkolardan mahrum qilinishini kutmoqda.

2022/23 yilgi mavsum uchun o'z klublarining moliyaviy hisobotlarini olgach, 15 yanvar kuni Premer-liga "Nottingem" Forest va "Everton"ni MFP qoidalarini buzganlikda aybladi va mavsum boshida shunga o'xshash qoidabuzarlik uchun liverpulliklardan 10 ochkoni olib tashladi.

The i nashri xabariga ko'ra, Angliyaning boshqa top-klublari rahbarlari "Nottingem Forest" ham xuddi shunday jazoga duchor bo'lishini va ochkolari olib qo'yilishini kutishmoqda. Bu bo'yicha hukm mart oyi boshida chiqarilishi mumkin.

"Forest"ning jazosi bilan bog'liq muammo - yozgi transfer oynasining so'nggi kunida hujumchi Brennan Jonsonning "Tottenxem"ga 47,5 million funt sterlingga sotilgani.

To'liq summa sof foyda bo'ladi, chunki Jonson "Forest" tarbiyalanuvchisi, ammo "o'rmonchilar" o'tgan mavsum hisoblarida transferni hisobga olishlari kerak.

Ehtimol, "Forest" jazolanadi va keyin apellyatsiya beradi va mustaqil komissiyani Jonsonning 2022/23 yilgi mavsum uchun sotilishini tasniflashga ko'ndirishga harakat qiladi.