OKMKning Turkiyadagi so'nggi nazorat uchrashuvi Markaziy Osiyo derbisi maqomida bo'lib o'tadi
/ Kiritdi: BestMaster Ko'rilgan: 20
Xabaringiz bor, mamlakatimizda yangi — 2024 yilgi mavsum mart oyi boshida start oladi. OKMK esa ushbu mavsum oldi tayyorgarlik mashg'ulotlarini Turkiyaning Antaliya shahrida olib bormoqda.
Turkiya yig'ini doirasida bir nechta klublarga qarshi maydonda saf tortgan olmaliqliklar bu safar qo'shni Turkmanistonning nomdor jamoasiga qarshi bahs yuritadi. Hamshaharlarimizga o'zbek futbol jamoatchiligiga yaxshi tanish bo'lgan «Ahal» klubi raqiblik qiladi.
1989 yilda tashkil topgan «Ahal» klubi Turkmaniston oliy ligasining 6 karra kumush medallari sohibi hisoblanadi. 2022/2023 yilgi mavsumda klub mamlakat chempioniga aylangan. Shuningdek, «Ahal» Turkmaniston kubogida 4 marta zafar quchgan bo'lsa, Turkmaniston superkubogida bir bor g'alaba nashidasini surgan. Bugungi raqiblarimiz - Osiyo Chempionlar ligasi ishtirokchisi.
OKMK va «Ahal» jamoasi o'rtasidagi Markaziy Osiyo derbisi Toshkent vaqti bilan soat 19:00da boshlanadi.
O'rtoqlik uchrashuvi
20 fevral, seshanba.
OKMK - «Ahal»
Bosh sahifaga
226