"Manchester Yunayted" 75 millionga futbolchi sotib olishi mumkin

"Manchester Yunayted" jamoasi markaziy himoyachisi Rafael Varanga o'rinbosar qidirmoqda. Bu haqda Teamtalk xabar bermoqda.

Manbaga ma'lum bo'lishicha, "qizil iblislar" Italiya chempionatidan o'rinbosar topa oldi. Mankunianliklar frantsiyalik futbolchiga o'rinbosar sifatida Turinning “Yuventus” klubi himoyachisi Gleyson Bremer nomzodini ko'rib chiqmoqda.

Avvalroq matbuotda braziliyalik futbolchining potentsial transferi taxminan 75 million evroga baholangani xabar qilingandi. Italiya A Seriyasining joriy mavsumida Bremer 24 ta o'yin o'tkazdi.