Terzich: "O'z muxlislarimiz ko'z o'ngida uch ochko olishga bel bog'laganmiz"

Dortmundning “Borussiya” klubi bosh murabbiyi Edin Terzich Germaniya chempionatining 21-turida “Frayburg”ga qarshi bo'lib o'tadigan o'yin haqida gapirdi.

“Biz “Frayburg”ning raqib sifatida qanchalik yoqimsiz ekanligini bilamiz. Ular o'z yondashuvlariga sodiq qoladilar va ertaga ham shunday qilishda davom etadilar. Shunday bo'lsa-da, o'z muxlislarimiz ko'z o'ngida uch ochko olishga bel bog'laganmiz.

Jamoa "Xaydenxaym"dagi o'yin va natijadan juda norozi bo'ldi (0:0). Biz bundan ham yaxshiroq futbol o'ynashimiz mumkin va kerak.

"Xaydenxaym"dagi o'yinni hisobga olmaganda, biz doimo oldinga qadam tashladik, to'rtta uchrashuvda atigi bitta gol o'tkazib yubordik va bu Niko Shlotterbekning avtogoli edi.

Boshqa tomondan, "Borussiya" futbolchilari 10ta gol urishdi. Biz har doim gol urishga qodirmiz. Biz buni ertaga ko'rsatmoqchimiz", - deya Terzichning so'zlarini keltiradi «Borussiya» rasmiy sayti.