Oston O'runov ham Eron klubiga o'tadigan bo'lyapti

Namanganning "Navbahor" klubi bilan yaqinda xayrlashgan O'zbekiston milliy terma jamoasi a'zosi Oston O'runov faoliyatini Eronning "Persepolis" klubida davom ettiradi. Bu haqda rossiyalik insayder Karp xabar berdi.

Unga ko'ra, 23 yoshli futbolchimiz Tehror klubi bilan 2 yillik shartnoma imzolaydi. Yillik maosh - 750 ming AQSh dollari.

Eslatib o'tamiz, avvalroq milliy jamoamizning yana bir futbolchisi Jaloliddin Masharipov Eronga ko'chib o'tgandi. U "Istiqlol" bilan shartnoma imzoladi.