"Valensiya" bosh murabbiyi: "Klub egasi biz bilan bir xil ambitsiyalarga ega bo'lishi kerak"

"Valensiya" bosh murabbiyi Ruben Baraxa "ko'rshapalaklar" tarkibni kuchaytirishi zarurligiga ishora qildi. "Men yuqori lavozimlarda bo'ladigan "Valensiya"ni boshqarish imkoniyatiga ega bo'lishni istardim.

Buning amalga oshishi uchun klub egasi biz bilan bir xil ambitsiyalarga ega bo'lishi kerak. Sizda jamoani yaxshilash istagi bo'lishi kerak", - dedi Baraxa. 

Eslatib o'tamiz, “Valensiya” La Liganing 22-turidan so'ng 32 ochko bilan 8-o'rinda bormoqda. Baraxa o'tgan yilning fevralidan beri “ko'rshapalaklar”ni boshqarib kelmoqda.