"Bavariya" bosh direktori: "Xavotirga o'rin yo'q, Tuxel biz bilan"

"Bavariya" bosh direktori Yan-Kristian Drezen Myunxen klubi bosh murabbiyi Tomas Tuxelning avvalroq ispan futboli gigantlaridan biri bilan ishlash uni ruhlantirishini aytgan so'zlariga javob qaytardi.

"Biz bunchalik asabiylashmasligimiz kerak. Murabbiy ishga qabul qilinganda, odatda, nafaqaga qadar davom etadigan shartnoma taklif qilinmaydi. Tomasning bunday deyishi men uchun mutlaqo normal holat. Qolaversa, u bu so'zlarni bejiz aytdi, jurnalistlar va muxlislarning savollari bilan o'tkazilgan ochiq sessiyada unga tegishli savol berildi. Bu vaziyat qanday qilib mutanosib ravishda buzilib ketganiga ko'proq hayron bo'ldim.

Tomas bu erda katta ishtiyoq va energiya bilan ishlaydi. U biz bilan ma'lum cho'qqilarni zabt etmoqchi, biz esa u bilan", - dedi Drezen.

Eslatib o'tamiz, Tuxel "Bavariya"ni 2023 yilning martidan buyon boshqarib kelmoqda.

O'tgan haftada "Barselona" bosh murabbiyi Xavi joriy mavsum yakunida jamoani tark etishini ma'lum qilgandi. Shundan so'ng, Xavi o'rniga Tuxel "ko'k-anorranglilar"ni boshqarishi mumkinligi haqida mish-mishlar paydo bo'ldi.