"Empoli" bosh murabbiyi: "Ko'pchilik bo'lib, to'pga ko'proq egalik qilishimiz kerak edi"

A Seriyaning yigirma ikkinchi tur o'yinlari doirasida Turinning "Yuventus" klubi kamtarona "Empoli" bilan o'yinda ochko yo'qotib, deyarli butun o'yinni ozchilikda o'tkazdi. 

Toskaniyaliklar bosh murabbiyi Davide Nikola o'yin natijalarini sharhlab, "Yuventus"ga hurmat bajo keltirdi:

"Bizda ikkita imkoniyat bo'ldi va kuchlar teng bo'ldi. “Yuventus”ning kuchi va sifatini hamma tushunadi.

Biz ularga bo'sh joy berishni istamadik va shu bilan birga o'z o'yinimizdan voz kechishni ham xohlamadik.

Ko'pchilik bo'lib, to'pga ko'proq egalik qilishimiz kerak edi", deya Nikolaning so'zlarini keltiradi Juvenewseu.