Xamann: "Arsenal" bu yil chempion bo'ladi deb o'ylamayman"

"Liverpul" va "Bavariya"ning sobiq futbolchisi Ditmar Xamannning fikricha, Londonning "Arsenal" klubi 2023/2024 yilgi mavsum yakunida chempionlikni qo'lga kirita olmaydi.

"Menimcha, faqat ikkita da'vogar bor. Ular orasida "Arsenal"ni ko'rmayapman. "Kanonirlar" o'tgan mavsumda imkoniyatga ega bo'lishdi, ammo hozir men ularni chempionlik poygasida deb o'ylamayman. Bu safar ikkita jamoa kurash olib boradi va men "Liverpul"ga ustunlik beraman", - dedi Xamann TBR Football bilan suhbatda.

Angliya Premer-ligasining joriy mavsumdagi 21-turidan keyin "Liverpul" turnir jadvalida peshqadamlik qilmoqda. "Qizillar" 48 ochko jamg'ardi. "Manchester Siti" ikkinchi o'rinda (43 ochko), ammo "shaharliklar" bir o'yin kam o'tkazgan. Kuchli uchlikni “Arsenal” yakunlab turibdi.