Legionerlarimiz. Rashidov gol urgan o'yinda jamoasi mag'lub bo'ldi

Qatar Yulduzlar Ligasida 3-tur o'yinlari o'tkazilmoqda.  Hamyurtimiz Sardor Rashidov faoliyat olib borayotgan "Qatar SK" jamoasi "Al G'arafa" bilan bahs olib bordi. 

Uchrashuvda o'zbekistonlik yarim himoyachi yangi klubi tarkibida Qatar chempionatidagi ilk golini kiritishga muvaffaq bo'ldi. O'yin “Al G'arafa”ning 3:1 hisobidagi g'alabasi bilan yakunlandi.

Shuningdek, bugun Yaponiya Jey-ligasida 26-tur uchrashuvlari o'tkazildi. Hamyurtimiz Fozil Musaev faoliyat olib borayotgan "Jubilo Ivata" klubi "Kavasaki Frontale" mehmoni bo'ldi va safarda 2 ta to'p farqi bilan mag'lubiyatga uchradi. 

Uchrashuvda o'zbekistonlik yarim himoyachi 90 daqiqa maydonda harakat qildi va 24-daqiqada hakam tomonidan ogohlantirildi.