Tata Steel Chess 2024. Nodirbek Abdusattorov turnirda ilk marta yutqazdi
/ Kiritdi: BestMaster Ko'rilgan: 25
Niderlandiyaning Veyk an-Zee shahrida shaxmat bo'yicha Tata Steel Chess 2024 turnirida kecha 8-tur bahslari o'tkazildi.
Turnirning Masters guruhida ishtirok etayotgan o'zbekistonlik grossmeyster Nodirbek Abdusattorov 8-turda rossiyalik Yan Nepomnyashchiyga qarshi qora donalarda o'ynadi.
Ettinchi tur bahsidan farqli o'laroq hamyurtimiz bir nechta noaniq yurishlarni amalga oshirdi. Nepomnyashchiy esa ulardan foydalanib qoldi. Nodirbek durangga erishish uchun oxirigacha harakat qildi, ammo Yan bunga imkon bermadi.
Natijada Abdusattorov 4,5 ochko bilan to'rtinchi pog'onaga tushdi. Hamyurtimiz peshqadamlardan atigi 0,5 ochko ortda bormoqda.
Tata Steel Chess-2023da bugun dam olish kuni. Nodirbek ertaga niderlendiyalik Yorden Van Forrestga qarshi oq donalarda o'ynaydi.
Bosh sahifaga
189