"Arsenal" "Vest Xem Yunayted"ning taklifini rad etdi

"Arsenal" "Vest Xem Yunayted"ning yarim himoyachi Emil Smit Rouni ijaraga olish taklifini rad etdi.

Bu haqda jurnalist Fabritsio Romano X ijtimoiy tarmog'ida (sobiq Tvitter) xabar berdi.

Qayd etilishicha, klub Emil Smit-Rouni ijaraga berish niyatida emas, chunki u hamon Mikel Arteta jamoasi uchun asosiy futbolchi hisoblanadi. Qolaversa, futbolchi "Arsenal"da qolganidan xursand.

Angliya premer-ligasining joriy mavsumida 23 yoshli Emil Smit-Rou oltita o'yin o'tkazib, bitta golli uzatmani amalga oshirdi.

Bundan tashqari, yarim himoyachi Chempionlar ligasida uchta, Angliya kubogi va Angliya liga kubogida bittadan o'yin o'tkazgan. Futbolchi samarali harakatlar ko'rsatmadi.