Kameron Burgess: «Avstraliya va O'zbekiston guruh g'olibi bo'lishga harakat qiladi»

Avstraliya terma jamoasi futbolchisi Kameron Burgess Osiyo kubogi guruhi bosqichi 3-turi doirasida bo'ladigan o'yin oldidan o'z fikrini bildirib o'tdi.

"Biz O'zbekistonning kuchli jihatlarini o'rgangan holda o'yinga tayyorgarlik ko'ramiz. Har ikki jamoa guruhda 1-o'rinni egallash uchun harakat qiladi. Shuning uchun uchrashuv qiziqarli bo'ladi. Umid qilaman, bu o'yinda 3 ochkoni qo'lga kiritamiz.

Biz ushbu musobaqada har bir o'yinda zavq olish uchun emas, har bir o'yinda g'alaba qozonish uchun kelganmiz. Shuning uchun O'zbekistonga qarshi o'yinga ham to'la ishonch bilan yondashamiz va 3 ochkoni qo'lga kiritishga harakat qilamiz. Guruhda 1-o'rinni olsak, o'zimizga bo'lgan ishonch ortadi", — dedi Burgess.