"So'g'diyona" Chernogoriya terma jamoasi a'zosi bilan shartnoma imzoladi

Jizzaxning "So'g'diyona" klubi qishki transferlar oynasida o'z tarkibini kuchaytirishda davom etadi.

Chexiyaning "Yablones" jamoasi safida 6 yildan buyon faoliyat yuritib kelayotgan tajribali hujumkor yarim himoyachi jizzaxliklar bilan shartnoma imzoladi.

Ma'lumot o'rnida Vladimir Yovovich 1994 yil 26 oktyabrda tavallud topgan.

Yovovich faoliyati davomida umumiy hisobda 275 uchrashuv maydonga tushib 36 gol hamda 48ta golli to'p uzatma amalga oshirgan.

Yovovich Chernogoriya terma jamoasi a'zosi hisoblanadi. Hozirga vaqtga kelib terma jamoa safida 54ta o'yin o'tkazgan.
Yovovich o'tgan mavsumda "Yablones" tarkibida 18ta uchrashuvda maydonga tushib o'z hisobiga 2ta golli to'p uzatma yozdirib qo'ygan.

Shuningdek Yovovich Chernagoriyaning "Suteska" klubi bilan ham ikki karra chempionlikni nishonlagan.

Futbolchi faoliyati davomida "Suteska", "Yablones", "Tsrvena Zvezda", "Spartak", "Napredak", "OFK Belgrad" jamoalarida to'p tepgan. Uning so'ngi jamoasi "Yablones" hisoblanadi.