"Borussiya" futbolchisiga ikki klub xaridor bo'lmoqda

Menxengladbaxning "Borussiya" klubi va Germaniya terma jamoasi yarim himoyachisi Florian Noyxaus joriy transfer oynasida klubini o'zgartirishi mumkin. Bu haqda jurnalist Florian Plettenberg ijtimoiy tarmog'ida xabar berdi.

Manbaga ko'ra, 26 yoshli futbolchi klubdagi o'rnidan norozi, "Borussiya" rahbariyati u bilan xayrlashishga tayyor. Noyxaus uchun "Sevilya" va "Latsio" da'vogarlik qilmoqda. Ikkala klub ham futbolchini ijaraga olish variantini ko'rib chiqmoqda, bunda sotib olish optsiyasi ham bor.

Noyxaus 2017 yildan beri Menxengladbaxning "Borussiya" jamosida o'ynab kelmoqda. Joriy mavsumda yarim himoyachi barcha turnirlarda 16 ta o'yin o'tkazib, 3 ta gol va 2 ta golli uzatmani amalga oshirdi. Futbolchining amaldagi klubi bilan shartnomasi 2027 yilning iyun oyi oxirigacha amal qiladi. Transfermarkt portaliga ko'ra futbolchining taxminiy narxi 9 million evroni tashkil qiladi.