Pele jamg'armasi Bekkenbauerning o'limiga munosabat bildirdi
/ Kiritdi: BestMaster Ko'rilgan: 49
Pele xayriya fondi afsonaviy germaniyalik futbolchi va murabbiy Frants Bekkenbauerning vafoti haqidagi xabarga munosabat bildirdi.
Bugun Germaniya terma jamoasi tarkibida 1974 yilgi jahon chempioni va 1972 yilgi Evropa chempioni Frants Bekkenbauer 78 yoshida olamdan o'tgani ma'lum bo'ldi. Pele va Bekkenbauer 1977 yilda "Nyu-York Kosmos" klubida tanishgan.
"Ular shunchaki yaxshi do'stlar emas edi. Qirol Pele Bekkenbauerni ukasi deb atagan. Ular "Nyu-York Kosmos"dagi hamkorlar edi. Ikki afsona hayotlari davomida ajoyib va noyob do'stlikni saqlab qolishdi. Bu barcha futbol muxlislari uchun og'ir yangilik. Hammasi uchun rahmat, Frants Bekkenbauer", — deyiladi ijtimoiy tarmoqlardagi Pele xayriya fondi sahifasida.