"Barselona" "Real"ni 5:0 hisobida mag'lubiyatga uchratdi (foto)

Bugun ayollar o'rtasidagi Ispaniya chempionati doirasida "Barselona" va "Real" o'rtasidagi uchrashuv bo'lib o'tdi.

Ayollar o'rtasidagi “El-klasiko” kataloniyaliklarning yirik hisobdagi g'alabasi bilan yakunlandi – 5:0. Birinchi bo'limda "ko'k-anorranglilar" uchta, tanaffusdan keyin esa yana ikkita gol urishdi.

“Barselona” o'tgan to'qqizta uchrashuvning barchasida umumiy 39:2 hisobida g'alaba qozonib, ayollar o'rtasidagi Ispaniya chempionatida ishonchli peshqadamlik qilmoqda. "Real" peshqadamdan 6 ochko ortda qolib, ikkinchi o'rinda bormoqda.

Eslatib o'tamiz, oktyabr oyida Madridning “Real” klubi erkaklar o'rtasidagi “El Klasiko”da “Barselona”ni mehmonda 2:1 hisobida mag'lub etgandi.