"Spetsiya" muxlislari jamoa B Seriyadan tushib ketish zonasiga tushib qolganidan so'ng norozilik belgisi sifatida klub bazasida cho'chqaning kallasini qoldirishdi

"Spetsiya" muxlislari norozilik belgisi sifatida klub bazasi yaqinida cho'chqa kallasini qoldirib, "Vaqt tugadi" yozuvi tushirilgan bannerni osib qo'yishdi. Shuningdek, jamoa yarim himoyachisi Daniele Verdening mashinasiga bo'yoqqa bo'yab qo'yishdi.

Muxlislar jamoaning joriy mavsumdagi natijalaridan noroziligini mana shunday izhor qilishdi. B Seriya va Italiya kubogi doirasidagi 14 uchrashuvda "Spetsiya" faqat bitta g'alabaga erishdi va to'g'ridan-to'g'ri quyi ligaga tushib ketish zonasida bo'lgan holda turnir jadvalida 18-o'rinni egallab turibdi. Shu bilan birga, jamoa o'tgan mavsum A Seriyadan tushib ketgandi.

Oldinroq "Spetsiya" muxlislari B Seriyaning oxirgi o'rinlarini egallab turgan “Ternana” bilan durangdan so'ng jamoaga nisbatan xushtakbozlik qilishdi. Ba'zi muxlislar klub rahbariyati bilan gaplashish uchun stadionning VIP-tribunasiga kirishga harakat qilishdi.

Namoyishdan so'ng klub bosh direktori Andrea Gatstsoli bayonot berib, muxlislarning xatti-harakatlarini qoraladi.