O'zbekiston Kubogi. «Paxtakor» va «Nasaf» ham yarim finalga yo'l oldi

O'zbekiston kubogining chorak final o'yinlari bugun o'z yakuniga etdi. So'nggi ikkita yarim final ishtirokchilar nomi "Navbahor" – "Nasaf" va "Paxtakor" – "Surxon" uchrashuvlarida aniqlandi.

"Navbahor" futbolchilari o'z maydonida "Nasaf" futbolchilariga mag'lub bo'lishdi. O'yinda yagona g'alaba to'pini Humoyun Murtazoev 37-daqiqada kiritib jamoasini yarim finalga olib chiqdi.

Toshkentda "Paxtakor" klubi "Surxon" futbolchilarini qabul qildi va Igor Sergeevning dubli evaziga osonlik bilan g'alabani rasmiylashtirdi. 

"Navbahor" - "Nasaf" 0:1

Gol: Humoyun Murtazoev, 37 (0:1)

"Paxtakor" - "Surxon"

Gollar: Igor Sergeev 21 (1:0), 89 (2:0)