"Bavariya" Avstraliya klubiga 17 yoshli futbolchi uchun 3,4 million evro to'lamoqda

Myunxenning "Bavariya" klubi "Adelaida Yunayted"ning 17 yoshli vingeri Nestor Irankunda bilan shartnoma imzolamoqda, deya xabar beradi insayder Fabritsio Romano.

Manbaga ko'ra, avstraliyalik futbolchi 2024 yilda nemis klubiga o'tishi kutilmoqda. Tomonlar Ironkundaning 3 million funt (3,4 million evro) va qo'shimcha bonuslar evaziga transferi bo'yicha og'zaki kelishib oldilar.

Irankunda "Adelaida" asosiy jamoasida 39 ta o'yinda maydonga tushib, 9 ta gol urdi va 2 ta golli uzatmani amalga oshirdi. Transfermarkt portali futbolchining narxini 350 ming evroga baholamoqda.