Mourino: «Mening Sarridan farqim shundaki, men 26 ta sovrin yutganman, u esa hech narsa»

«Roma» bosh murabbiyi Joze Mourino «Latsio» ustozi Mauritsio Sarrining so'zlariga javob qaytardi. Sarri "Roma"ning «Slaviya»ga qarshi Evropa ligasidagi uchrashuvini "o'rtoqlik o'yini" deya atadi.

«Agar u "Slaviya"ni kuchsiz raqib deb atagan bo'lsa, aslida unday emas. Men hamisha raqiblarni hurmat qilaman. Ehtimol, 26 sovrin yutgan murabbiy va hech narsani qo'lga kiritgan murabbiy o'rtasidagi farq shunda bo'lsa kerak. Mentalitet shunda namoyon bo'ladi. Har bir o'yinga jiddiy yondoshish kerak. O'rtoqlik o'yinlari bo'lmaydi», — dedi Mourino.

Ma'lumot o'rnida. A seriya doirasida "Latsio" - "Roma" uchrashuvi 12 noyabr kuni bo'lib o'tadi.