Belgiya terma jamoasi ustozi: "Men uchun Kurtua dunyoning eng yaxshi darvozaboni, lekin tarkibida boshqa posbonlar ham bor"

Belgiya terma jamoasi bosh murabbiyi Domeniko Tedesko o'z pozitsiyasida "Real Madrid" darvozaboni Tibo Kurtuani dunyoning eng yaxshisi deb bilishini tan oldi.

Eslatib o'tamiz, iyun oyida Kurtua Avstriya bilan o'yinda unga sardorlik bog'ichini bermagan Tedeskoga nisbatan o'zaro ranjigani uchun terma jamoani tark etgandi.

"Kim xato qilgani muhim emas. Har doim echim topishning yo'li bor. Men uchun u dunyoning eng yaxshi darvozaboni. Ammo bizda boshqa yaxshi darvozabonlar ham bor", - dedi Tedesko Standard bilan suhbatda.

Kurtua terma jamoa safida 102 ta o'yin o'tkazib, 79 ta gol o'tkazib yuborgan va 51 marta o'z darvozasi daxlsizligini saqlab qolgan.