"Tottenxem" futbolchisi: "Ruben Diash - dunyoning hozirda eng kuchli himoyachisi"
/ Kiritdi: BestMaster Ko'rilgan: 21
"Tottenxem" markaziy himoyachisi Mikki van de Ven o'z pozitsiyasida kimni dunyoning eng yaxshisi deb bilishini aytdi.
22 yoshli futbolchi Premer-ligada joriy mavsum kashfiyotlaridan biriga aylandi – u chempionat jadvalida peshqadamlik qilayotgan Ange Postekoglu jamoasining barcha uchrashuvlarida maydonga tushdi.
Niderlandiyalik futbolchining so'zlariga ko'ra, jahon futbolidagi eng yaxshi markaziy himoyachi "Manchester Siti"da o'ynayotgan Ruben Diashdir: "U juda kuchli, to'p bilan yaxshi muomala qiladi, "Manchester Siti" futbolini juda yaxshi tushunadi". Bu jamoada har bir himoyachi to'p bilan ishonchli harakat qilishi kerakligini hamma biladi, biroq menimcha, Diashni yaxlit xislatlariga qaralsa, chinakamiga yaxshi futbolchi”, — dedi van de Ven Sky Sports nashriga bergan intervyusida.