Tennis. Tsitsipas kanadalik raqibini engib, «Masters»ning uchinchi bosqichiga yo'l oldi
/ Kiritdi: BestMaster Ko'rilgan: 39
«Katta dubulg'a» turnirlarining ikki karra finalchisi, dunyoning oltinchi raketkasi gretsiyalik Stefanos Tsitsipas Parijda (Frantsiya) «Masters» turkumiga kiruvchi turnirning uchinchi bosqichiga yo'l oldi.
Ikkinchi davra uchrashuvida Tsitsipas 6:3, 7:6 (7:4) hisobida jahonning 19-raketkasi, 23 yoshli kanadalik Feliks Oje-Alyassimni mag'lub etdi. Kanadalik tennischi o'tgan hafta Bazeldagi turnirni yutgan edi.
Tennis bahsi 1 soat 51 daqiqa davom etdi. Tsitsipas bir marta eys amalga oshirdi, ikkita qo'sh xatoga yo'l qo'ydi va to'rtta breykpointdan ikkitasini muvaffaqiyatli amalga oshirdi. Oje esa to'qqizta eys, uchta qo'sh xato va ettitadan bitta breykpointni amalga oshirdi.
Parijdagi turnirning chorak finaliga chiqish uchun Tsitsipas Aleksandr Zverev (Germaniya, 10) – Ugo Xumbert (Frantsiya) uchrashuvi g'olibi bilan jang qiladi.