"Real" "Santyago Bernabeu"ning rekonstruktsiya uchun uchinchi kreditni oladi
/ Kiritdi: BestMaster Ko'rilgan: 45
Madridning "Real" klubi "Santyago Bernabeu”ni rekonstruktsiya qilish uchun yana kredit oladi.
Marca nashri xabariga ko'ra, yangi kredit summasi 375 million evro, muddati 30 yil, yillik 4,7 foiz bo'ladi. Bu mablag'lar avtoturargohlarni jihozlash, stadion va uning atrofini obodonlashtirishga yo'naltiriladi. Qo'shimcha xarajatlar ham qisman inflyatsiya bilan bog'liq.
Ma'lum qilinishicha, 11 noyabr kuni bo'lib o'tadigan yillik umumiy yig'ilishda o'tgan moliyaviy yil hisobotlari va joriy mavsum byudjeti taqdim etiladi, unda "Real" direktorlar kengashi yangi kreditni tasdiqlashni so'raydi.
"Real Madrid" avvalroq "Santyago Bernabeu"ni rekonstruktsiya qilish uchun ikki marta kredit olgan. Kreditlarning umumiy miqdori 800 million evroni tashkil etdi. Birinchi kredit arena infratuzilmasi bilan bog'liq ishlarni moliyalashtirish uchun 575 million evro, ikkinchisi maydon uchun "issiqxona" qurishga 225 million evro miqdorida olingan.