Parij-2024 Olimpiada saralashi. O'zbekiston ayollar terma jamoasi Hindiston darvozasiga javobsiz 3 ta to'p kiritib, navbatdagi bosqichga yo'l oldi

Midori Xonda boshchiligidagi futbol bo'yicha O'zbekiston ayollar terma jamoasi Parij-2024 Olimpiadasi yo'lida hal qiluvchi 3-bosqichga yo'l oldi. “C” guruhidan o'rin olgan jamoamiz 6 ochko bilan eng yaxshi natija qayd etgan 2-o'rin sohibi sifatida keyingi davraga o'tdi. Guruhdagi so'nggi turda Hindiston 3:0 hisobida mag'lubiyatga uchratildi.

Hal qiluvchi bosqichga Avstraliya, KXDR, Yaponiya va O'zbekiston jamoalari yo'l oldi. Endi ushbu jamoalar o'rtasida qur'a tashlanib, 2 ta juftlik shakllantiriladi. Kelasi yilning 24-28-fevral kunlari uy-safar tizimida o'tadigan o'yinlarda o'z juftligida g'alaba qozongan 2 jamoa Parij-2024 Olimpiadasiga yo'llanma oladi.

O'zbekiston 3:0 Hindiston

Gollar: N.Qudratova 2, L.Karachik 51, 83