"Oltin to'p"ga kim loyiq: Messi yoki Xoland? Gvardiola javob berdi

"Manchester Siti" bosh murabbiyi Pep Gvardiola "Oltin to'p" haqida fikr bildirdi. Sovringa asosiy da'vogarlar argentinalik Lionel Messi va norvegiyalik Erling Xoland.

"Men Leoga ham, Erlingga ham bog'lanib qolganman. Agar Messi "Oltin to'p"ni qo'lga kiritsa, bu uning jahon chempionatidagi g'alabasi uchun adolatli muvaffaqiyat bo'ladi. Agar sovrin Xolandga berilsa, u o'ynagan mavsum tufayli adolatli bo'ladi. Bu yil ikkita mukofot topshirili kerak. Ikkalasi ham bunga loyiq", - dedi Gvardiola ESPN bilan suhbatda.

Eslatib o'tamiz, bugun, 30 oktyabr kuni "Oltin to'p"ni tantanali topshirish marosimi bo'lib o'tadi.