Andijon hokimi Shuhrat Abdurahmonov Milliy olimpiya qo'mitasi tomonidan taqdirlandi

Bugun, 28 dekabr kuni Milliy olimpiya qo'mitasi “O'zbekiston xalqaro anjumanlar saroyi”da o'zbek sporti tarixida ilk marotaba “Milliy sport mukofoti – 2018” tantanali taqdirlash marosimi o'tkazyapti.

Marosimda turli nominatsiyalar egasi taqdirlanishi kutilmoqda. Jumladan, Andijon viloyati hokimi Shuhrat Abdurahmonov “Hududlarda sportni rivojlantirishga qo'shgan hissasi uchun” taqdirlandi.

O'zbekiston kurash federatsiyasi esa “Yilning eng faol federatsiyasi” deb e'tirof etildi. Avvalroq O'zbekiston shaxmat federatsiyasi “Yilning eng yaxshi innovatsion va intellektual faol federatsiyasi” deya e'tirof etilgan edi.