Vitor Roke: "Boshqa klublar ko'proq pul taklif qilishganda ham, baribir "Barselona"ni tanlar edim"

Huquqlari iyul oyida "Barselona" tomonidan sotib olingan "Atletiko Paranaense" hujumchisi Vitor Roke Kataloniya klubiga o'tishi muvaffaqiyatsiz bo'lishidan qo'rqqanmi, degan savolga javob berdi.

“Yo'q, men bu erda o'ynashimga doim ishonganman. Bu mening orzuim edi. Agar boshqa klublar ko'proq pul taklif qilishsa ham, men baribir "Barselona"ni tanlagan bo'lardim", - deya Rokening so'zlarini keltiradi Mundo Deportivo.

Forvard yanvar oyida yangi jamoasiga o'tishi kutilmoqda. Sentyabr oyida Vitor Roke Braziliya chempionati o'yinida to'pig'ining bog'lamlarini yirtib oldi. Hujumchi "Atletiko Paranaense" bilan xayrlashuv o'yinini o'tkazish uchun dekabrgacha tuzalib ketishi kutilmoqda.