O'rtoqlik o'yini. Meksika Germaniya bilan jangovar durangga imzo chekdi (videosharh)

Bugun, 18 oktyabr kuni AQShdagi «Linkoln Faynenshel Fild» stadionida Germaniya va Meksika terma jamoalari o'zaro to'qnash kelishdi.

O'yindagi hisobni 25-daqiqada «Real» himoyachisi Antonio Ryudiger ochdi. Oradan ko'p o'tmasdan meksikaliklar Uriel Antunning goli evaziga muvozanatni tiklashdi.

Ikkinchi bo'lim boshida Meksika Sanches tomonidan urilgan gol tufayli oldinga o'tib oldi. Oradan atigi 3 daqiqa o'tib Niklas Fyullkrug muvozanatni tikladi.

Yulian Nagelsmann boshqaruvida Germaniya ikkinchi o'rtoqlik o'yinida durang qayd etdi. Ular bir necha kun avval AQShni mag'lub etishgandi (3:1).

O'rtoqlik o'yini
Meksika – Germaniya 2:2 (1:1, 1:1)
Gollar: 0:1 – 25 Ryudiger, 1:1 – 37 Antuna, 2:1 – 47 Sanches, 2:2 – 51 Fyullkrug.
Meksika – Ochoa, Sanches, Montes, Vaskes, Galyardo, Alvares, Romo (Chaves, 61), Losano (Uerta, 81), Sanches (Kordova, 61), Antuna (Pineda, 82), Ximenes (Martin, 77).
Germaniya – ter Stegen, Zyule (Tiav, 59), Ryudiger, Ta, Gozens (Raum, 65), Gross (Gorettska, 46), Gyundogan, Virtts (Xofmann, 65), Myuller (Fyullkrug, 46), Sane, Musiala (Berens, 87).
Ogohlantirishlar: Alvares (59), Gozens (64).