Kapello: "Yuventus"da 38 ta chempionlik bor, tamom!"

2004-2006 yillarda Turinning "Yuventus" klubini boshqargan italiyalik mutaxassis Fabio Kapelloning fikricha, 2005 va 2006 yilgi chempionliklar adolatli qo'lga kiritilgan.

Binobarin, Kapelloning hisob-kitoblariga ko'ra, turinliklar Italiya chempionatining rasmiy statistikasida aytilganidek, 36 emas, 38 ta chempionlikni qo'lga kiritishgan.

"Yuventus"da o'ttiz sakkizta Skudetto bor. Maydonda chempionlikni mehnat qilib qo'lga kiritdik. Bizga hech kim yordam bermadi", - dedi Fabio Kapello pianetamilan.it bilan suhbatda.

Turin klubi oxirgi marta 2020 yilda Italiya chempionligini qo'lga kiritgan. O'tgan mavsumda klub A Seriya turnir jadvalida atigi beshinchi o'rinni egalladi.