Kapello: "Kassano har bir o'yindan oldin fri kartoshkasini iste'mol qilardi, men bunga chiday olmasdim"

Italiyalik mutaxassis Fabio Kapello Madrid superklubida atigi bir mavsum o'tkazgan hamyurti Antonio Kassanoni nima uchun o'zi boshqargan "Real"dan haydaganini tushuntirdi. Kapelloning so'zlariga ko'ra, uni doimiy ravishda fri kartoshkasini eb yurgan Kassanoning ochko'zligi nihoyatda g'azablantirgan.

"Har safar, har bir o'yin oldidan Kassano o'ziga kartoshka frisini buyurtma qilgan. Buni qabul qilib bo'lmas edi. Men uning oshpazidan ham, o'zidan ham birdek g'azablandim", — dedi Kapello pianetamilan.it bilan suhbatda.

Kapello Madrid klubini ikki marta - avvaliga 1996/1997 yilgi mavsumda, keyin 2006/2007 yilgi mavsumda boshqargan.