Vitaliy Levchenko: «O'yin bo'yicha raqibga yutqazmadik»

Superliga 21-turida mehmonda «Nasaf» klubiga mag'lub bo'lgan «Neftchi» klubi bosh murabbiyi Vitaliy Levchenko mag'lubiyat haqida o'z fikrini bildirdi.

«Bugun biroz diqqat va ehtiyotkorlik etishmadi. Raqibga o'yin borasida yutqazmadik. Bu o'yin bilan yaxshi natija ko'rsatishimiz kerak edi. O'yin teng kurashlar ostida kechdi. So'nggi daqiqalarga qadar muxlislarni hayajonda ushlab turdi. Qaysidir jihatda raqibning omadi keldi», - dedi Levchenko.

«Nasaf» kuchli raqib va buni doimo aytganman. Asosiy xato – eng kerakli vaziyatlarda diqqatimizni yo'qotdik. Ayniqsa, darvozamiz oldidagi hujumlar vaqtida. Mavsum yakunida jamoa qanday o'rinda bo'lishini hozir aytishim qiyin. Buni mavsum yakunida bilamiz. Qolgan barcha o'yinlarda yaxshi natija uchun kurashamiz”.

«Abdulloh Olimov va Sunnatulloh Abdullajonovning ikkisi ham jarohat olishgan. Shu bois, so'nggi o'yinlarda ishtirok etishmayapti».