Romeu 11 yilda ilk bor EChLda harakat qiladi

"Barselona" yarim himoyachisi Oriol Romeu ko'p yillardan buyon Chempionlar ligasidagi ilk o'yiniga tayyorgarlik ko'rmoqda.

Seshanba kuni Xavi Ernandes shogirdlari guruh bosqichining 1-tur uchrashuvida Belgiyaning "Antverpen" klubini qabul qiladi. O'tgan yozda "Barselona"ga qaytgan Romeu uchun bu o'yin Chempionlar ligasidagi deyarli 11 yil ichidagi birinchisi bo'lishi mumkin. Tayanch yarim himoyachi eng nufuzli evrokubokdagi so'nggi o'yinini 2012 yil oxirida o'tkazdi - o'shanda u "Chelsi"da o'ynagan, raqib esa Daniyaning "Norshelland" jamoasi edi.

Oriol Romeu joriy mavsum “Barselona” safida beshta o'yinda maydonga tushdi.