Dembele "Barselona"dan ketganidan keyin birorta samarali harakat qilgani yo'q

"PSJ" vingeri Usmon Dembele yangi mavsumda hali samarali harakat amalga oshirmadi.

Frantsiyalik futbolchi avgust oyida "Barselona"ni tark etib, "PSJ"ga o'tishga qaror qilgandi. O'shandan beri 26 yoshli futbolchi oltita o'yinda qatnashdi (ulardan ikkitasi Frantsiya terma jamoasi uchun), bu o'yinlarda u na gol urdi va na golli uzatma berdi.

Usmon Dembelening transferi "PSJ"ga 50 million evroga tushdi. O'tgan mavsumda futbolchi "Barselona" safida barcha musobaqalarda 35 ta o'yinda qatnashib, 8 ta gol va 9 ta golli uzatmani amalga oshirgan.