Ispaniyalik hujumchi BAAning boshqa bir klubiga o'tdi

30 yoshli ispaniyalik hujumchi Pako Alkaser bir yillik ijara evaziga BAA oliy divizioni jamoasi «Emireyts»ga o'tdi. Bu haqda klub matbuot xizmati xabar bermoqda.

Eslatib o'tamiz, o'tgan mavsumdan boshlab mashhur forvard Amirliklarning boshqa bir klubi – «Sharja»da o'ynashga qaror qilgandi.

U bilan shartnoma 2025 yilning o'rtalariga qadar tuzilgan edi. Ilgari Alkaser «Valensiya», «Barselona», «Borussiya Dortmund» va «Vilyarreal» hujumchisi sifatida tanilgan edi.

Eslatib o'tamiz, «Barselona» afsonasi Andres Inesta o'tgan yozdan beri Alkaserning yangi jamoasida to'p tepmoqda.