Vidal: "Real"ga qarshi o'yinda juda ko'p marta nohaqliklarga duch kelganman"

"Yuventus", "Inter", "Bavariya" va "Barselona" klublarining sobiq yarim himoyachisi Arturo Vidal "Real"ga qarshi o'yinlarda nohaq hakamlikni boshidan kechirganini aytdi.

36 yoshli chililik futbolchi professional faoliyati davomida 16 marta "Real"ga qarshi to'qnash kelgan va ikki marta qizil kartochka olgan.

Eng katta mojaroga Vidalning 2017 yilda Chempionlar ligasi chorak finalida “Bavariya” tarkibida Madridga qarshi o'yinda maydondan chetlatilishi sabab bo'lgan edi.

"Ba'zida "Real"ga qarshi qaysi o'yinda u yoki bu bahsli vaziyatlar sodir bo'lganiga ishonchim komil emas. "Real"ga qarshi o'yinda faoliyatimda shunchalik ko'p nohaqlikka duch kelganmanki, ba'zida vaziyatlarni unutib qo'yaman. Ular jamoalarimga ko'p marta nohaqlik qilishdi", - dedi Vidal Mundo Deportivo bilan suhbatda.