Germaniya futbol ittifoqi tez orada bosh murabbiylik uchun ikki nomzod bilan bog'lanadi

Germaniya terma jamoasi Xans-Diter Flik iste'foga chiqarilganidan keyin yangi murabbiy izlashda davom etmoqda. Jurnalist Mett Louning so'zlariga ko'ra, Germaniya futbol federatsiyasi tez orada ikki nomzod Yulian Nagelsmann va Mattias Zammer bilan bog'lanadi.

Ma'lum qilinishicha, agar nomzodlardan hech biri bu lavozimni egallashga rozi bo'lmasa, Germaniya terma jamoasini o'z uyidagi Evropa chempionatida Flik ishdan bo'shatilgandan so'ng vaqtinchalik murabbiylik lavozimini egallagan Rudi Fyoller boshqaradi.

Eslatib o'tamiz, Mattias Zammer 2005 yilda “Shtutgart”dan ketganidan beri murabbiy sifatida ishlamagan. Nagelsmann "Bavariya"dan haydalganidan keyin ishsiz qolmoqda.