Ukrainalik futbolchi Gasperinining "Atalanta"dagi ishiga baho berdi

"Jenoa" yarim himoyachisi Ruslan Malinovskiy "Atalanta"da birga ishlagan sobiq ustozi Jan Pero Gasperini haqida fikr bildirdi.

"U bilan ishlash qiyin, lekin biz uch marta Evropa ligasiga va uch marta Chempionlar ligasiga yo'llanma oldik. Natijaga erishmoqchi bo'lsangiz, katta jamoa sifatida harakat qilishingiz kerak. Agar sizda 300 million evrolik jamoa bo'lmasa, siz boshqalardan jismonan kuchliroq bo'lishingiz kerak", - dedi ukrainalik futbolchi Goal bilan suhbatda.

Ilgari Gasperini Yoakim Mele va Merix Demiral tomonidan tanqid qilingan bo'lsa, Deyan Kulushevski mutaxassisni qo'llab-quvvatlagandi.

Malinovskiy "Atalanta"da 4 ta mavsum o'tkazib, 143 ta o'yinda maydonga tushdi va 30 ta gol urgan.