Inigo Martines: "EChLda g'alaba qozonishga harakat qilamiz"

"Barselona" markaziy himoyachisi Inigo Martines jamoasining joriy mavsumdagi maqsadlari haqida gapirdi.

32 yoshli futbolchi iyul oyida kataloniyaliklar safiga erkin agent sifatida kelib qo'shilgan edi. U avval Bilbaoning “Atletik” klubida besh yarim yil o'ynagan.

“Bunday imkoniyatlar tez-tez uchramaydi. Men uzoq vaqtdan beri o'ynayapman, menga o'zgarish kerak edi. Yoshimni hisobga olsak, “Barselona”dan kelgan taklifni qabul qilish qiyin bo'lmadi.

Hozir bor e'tiborimizni La Ligaga qaratganmiz, ammo Chempionlar ligasida g'alaba qozonish uchun harakat qilishimiz kerakligi aniq. Jamoada ko'plab yosh futbolchilar bor va biz Chempionlar ligasida g'alaba qozonish qanchalik qiyinligini bilamiz, ammo bizning tarkibimiz bilan buni amalga oshirishimiz mumkin. Biz qo'limizdan kelganini qilamiz”, - dedi Martines Sport nashriga bergan intervyusida.