Feliks: «Men «Barsa»ni bolaligimdan kuzatib kelaman»

Joau Feliks «Barselona»ga o'tishi haqida gapirdi.

Kataloniya klubi portugaliyalik yarim himoyachini transfer oynasining so'nggi kunida «Atletiko»dan ijaraga oldi.

«Men qanchalik baxtli ekanligimni hamma biladi. Men bu klubda o'ynash uchun ko'p intildim. Bu mening bolalik orzuim edi, men bu erga yordam berish uchun keldim va bu ajoyib mavsum bo'lishiga umid qilaman.

Ular menga qiziqishlarini aytishganda, men juda xursand bo'ldim. Men «Barsa»ni bolaligimdan kuzatib kelaman, doim «Barsa» muxlisi bo'lganman.

Men unvonlar uchun kurashmoqchiman. Chempionlar ligasi har doim mening orzuim bo'lgan, ammo biz asta-sekin harakat qilmoqdamiz. Biz g'alaba qozonishni istaymiz», - dedi Feliks.