CAFA U-17 Championship. O'zbekiston U15 terma jamoasi Afg'onistonni mag'lub etib, 2-o'rinni qo'lga kiritdi (videosharh)

Tojikistonning Xisor shahrida o'tkazilgan CAFA U-17 Championship musobaqasi kecha yakuniga etdi. O'zbekiston U-15 terma jamoasi so'nggi turda Afg'onistonga qarshi maydonga chiqib, yirik hisobda g'alaba qozondi.

Vakillarimizda gollarni Muhammadyusuf Fayzullaev, Sardorbek To'laganmirzaev va Sayfiddin Sodiqov urishdi.

Tojikiston esa so'nggi turda Eronga yuqazganiga qaramay, musobaqa g'olibiga aylandi. Mezbonlar O'zbekiston bilan bir xil  9 ochko jamg'arishdi, ammo o'zaro o'yindagi g'alaba tufayli oltin medalga sazovor bo'lishdi. Afg'oniston esa 6 ochko bilan bronza medalini qo'lga kiritgan bo'lsa, Eron shuncha ochko bilan 4-o'rinda qoldi. Qirg'iziston barcha o'yinlarda mag'lubiyatga uchradi.

O'zbekiston U15 terma jamoasi hujumchisi Nurbek Sarsenbaev 3 ta gol bilan musobaqaning eng yaxshi to'purariga aylandi.

CAFA U-17 Championship, 4-tur
Afg'oniston - O'zbekiston - 0:3 (0:2)
Gollar: Muhammadyusuf Fayzullaev (8), Sardorbek To'laganmirzaev (35), Sayfiddin Sodiqov (90+3)

Tojikiston - Eron - 0:1

Manba: stadion.uz

Afg'oniston - O'zbekiston uchrashuvi videosharhi: