"Nyuskal" futbolchisi Angliyaning boshqa klubiga ko'chib o'tdi

Hujumkor yarim himoyachi Rayan Freyzer "Nyukasl"dan "Sautgempton"ga o'tdi. "Nyukasl" 29 yoshli shotlandiyalik futbolchining 2023/2024 yilgi mavsum oxirigacha ijara asosida "avliyolar" safiga o'tganini rasman e'lon qildi.

Rayan Freyzer “Nyukasl”da 2020 yil sentyabridan beri o'ynab kelmoqda. O'shandan beri u 59 ta rasmiy o'yinda maydonga tushib, o'z hisobiga 3 ta gol va 6 ta golli uzatma yozdirib qo'ygan.

Eslatib o'tamiz, o'tgan mavsum yakunlariga ko'ra, "Sautgempton" Premer-ligadan Chempionshipga tushib ketgandi. Angliyada ikkinchi o'rindagi futbol divizionining dastlabki uchta turida janubiylar etti ochkoni qo'lga kiritishga muvaffaq bo'lishdi.