"Everton" A Seriyadan hujumchi olib kelmoqchi
/ Kiritdi: BestMaster Ko'rilgan: 37
"Udineze" hujumchisi Betu joriy transfer oynasi tugaguniga qadar "Everton"ga o'tishi mumkin. Bu haqda jurnalist Fabritsio Romano xabar bermoqda.
Manba bergan xabarga ko'ra, Liverpulliklar "Udineze" futbolchisi uchun 25-26 million evro taklif qilishga tayyor. "Everton" 25 yoshli hujumchini shu yilning yanvar oyidan beri kuzatib kelmoqda.
Qayd etilishicha, portugaliyalik hujumchining shartnomasida ko'rsatilgan tovon puli 35 million evroni tashkil qiladi.
2022/2023-yilgi mavsumda Betu “Udineze” safida barcha musobaqalarda 34 ta o'yin o'tkazib, 10 ta gol va 2 ta golli uzatmaga mualliflik qilgan. Futbolchining Italiya klubi bilan shartnomasi 2026 yilning iyun oyi oxirigacha amal qiladi.
Fikr bildirish
Hali hech kim izoh qoldirmagan. Birinchi bo`lib izoh qoldiring :)!!
Fikr qoldirish uchun Ro`yxatdan o`tish lozim!!!