Grizmann Messining MLSga o'tishiga munosabat bildirdi

Madridning "Atletiko" klubi hujumchisi Antuan Grizmann Lionel Messining MLSdagi o'yini haqida fikr bildirdi.

36 yoshli argentinalik futbolchi iyul oyida “Inter Mayami”ga erkin agent sifatida o'tgan edi. Messi yangi jamoasi uchun oltita o'yinda to'qqizta gol urdi va bitta golli uzatmani amalga oshirdi.

"Leo - tarixdagi eng zo'r futibolchi. U har bir o'yinda gol uradi, stadionlarni to'ldiradi. Uning o'yini MLS uchun ajoyib reklama, u AQSh futboli imidjiga aql bovar qilmaydigan ta'sir ko'rsatadi", - dedi Grizmann ESPN telekanaliga bergan intervyusida.