Gretsiya bosh Vazirining buyrug'i bilan mamlakatdagi barcha fan-klublar yopildi
/ Kiritdi: BestMaster Ko'rilgan: 37
Gretsiya bosh vaziri Kiriakos Mitsotakis mamlakatdagi deyarli barcha futbol ishqibozlari klublari yopilishini ma'lum qildi va har bir klub uchun faqat bittadan muxlislar uyushmasi qoldi, deb xabar bermoqda "TASS".
Mitsotakisning bayonoti Gretsiyaning ERT-1 telekanali tomonidan efirga uzatildi.
Chorshanba kuni Mitsotakis o'zining Megaro Maximou qarorgohida Evropa futbol assotsiatsiyalari ittifoqi (UEFA) prezidenti Aleksandr Cheferin bilan uchrashdi, avvalroq u erda bir qator hukumat vazirlari, "Olimpiakos", "Panatinaikos", AEK va PAOK klubi egalari o'rtasida futboldagi vaziyat bo'yicha yig'ilish bo'lib o'tgandi.
"Milliy miqyosda qonun hujjatlarida nazarda tutilganidek, tashkil etilgan fan-klublari yopiladi. Har bir jamoada faqat bitta muxlislar uyushmasi bo'ladi", - dedi bosh vazir.
8 avgust kuni Afinada Chempionlar ligasi 3-saralash bosqichi o'yini boshlanishidan oldin mahalliy AEK klubi va Zagrebning “Dinamo” klubi muxlislari o'rtasida mushtlashuv kelib chiqdi. To'qnashuv natijasida Gretsiya klubining 29 yoshli muxlisi halok bo'ldi va mushtlashuvda yana 10 nafar ishtirokchisi jarohat olgandi.