Superliga. "Nasaf" - "Paxtakor" uchrashuvi prevyusi

Superliga 11-tur kechiktirilgan bahsida 15 avgust kuni "Paxtakor" "Nasaf"ga qarshi safarda o'ynaydi.

Bellashuvlar tarixiga nazar tashlaydigan bo'lsak, chempionatlarda jamoalar jami 52 marta o'zaro bahs olib borishgan. Ularning 30tasida "Paxtakor" zafar quchgan bo'lsa, 11 bellashuvda durang natija qayd etilgan. Qarshiliklar esa 11 o'yinda g'alaba qozonishgan. Raqib darvozasini 78 bor ishg'ol qilgan "sherlar" darvozasidan 47 gol o'tkazib yuborgan.

Qarshidagi 26 o'yinda esa poytaxtliklar 9 g'alaba, 8 durang va 9 mag'lubiyat qayd etgan. 26 gol urgan "Paxtakor" o'z darvozasidan 33 to'p o'tkazib yuborgan.

"Nasaf" va "Paxtakor" jamoalari o'rtasidagi bellashuv 15 avgust, seshanba kuni Qarshidagi "Markaziy" stadionda soat 20:00da boshlanadi.

Manba: "Paxtakor" klubi matbuot xizmati