Ro'ziqul Berdiev: «Paxtakor»ga qarshi o'yinda albatta g'alaba uchun maydonga chiqamiz»

"Nasaf" bosh murabbiyi Ro'ziqul Berdiev Superliganing 16-turi doirasida "Buxoro"ga qarshi o'yin (1:0) borasida o'z fikrini bildirib o'tdi.

"Superligada oson o'yinlar qolmadi. "Buxoro" o'yin tempini tushirishga harakat qilishini bilardik. Shuning uchun imkon qadar tezroq raqib darvozasiga gol urishimiz kerak edi. Lekin bu ishni o'yin oxirida uddaladik. Bu g'alaba juda muhim edi. Muvaffaqiyatsiz o'yinlardan keyin istalgan jamoada ruhiy muammolar bo'lib turadi. O'ylaymanki, mazkur g'alaba bilan bu holatdan chiqib ketamiz.

Jigauri rasmiy o'yinlarda o'zini ko'rsata olmayotgani u chempionatimizga moslashish jarayonidan o'tayotgani bilan bog'liq. Superligada o'ynash tashqaridan ko'ringanidek oson emas.

Keyingi bahs "Paxtakor"ga qarshi bo'ladi. Albatta, yana g'alaba uchun maydonga chiqamiz. "Nasaf" istalgan raqibni mag'lub qilishga qodir. Turnir jadvalining pastki qismiga joylashgan jamoalar bizga qarshi himoyaviy taktika tanlashadi, bo'sh zonalar deyarli bo'lmaydi. Bunaqa bahslarda tezkor gol urib olish kerak", — dedi Berdiev.