"Man Siti" Paketani qo'lga kiritishga ishonadi

"Manchester Siti" yaqin kunlarda yarim himoyachi Lukas Paketaning transferini yakunlash niyatida.

So'nggi xabarlarga ko'ra, "Vest Xem" o'z yulduzini "shaharliklarga"ga 80 million evroga sotishdan bosh tortgan, biroq Angliyaning amaldagi chempioni braziliyalik uchun kurashdan chetlashmagan. Jurnalist Santi Aunaning xabar berishicha, "Manchester Siti" paketning kelishi vaqt masalasi ekanligiga ishonchi komil. Muzokaralar jadallik bilan ketmoqda va tez orada klublar kelishib olishlari mumkin. Bilasizki, Paketaning o'zi Xosep Gvardiola jamoasida o'ynashni xohlaydi.

O'tgan yilning avgust oyida “Vest Xem” Lukas Paketani “Lion”dan deyarli 43 million evroga sotib olgandi. Hujumkor yarim himoyachining shartnomasi 2027 yilgacha mo'ljallangan.