Rossiya terma jamoasi futbolchisi: «O'zbekiston — kuchsiz raqib emas»

Moskvaning TsSKA klubi yarim himoyachisi Konstantin Kuchaev Rossiya terma jamoasining o'rtoqlik o'yinlaridagi ehtmoliy raqiblari haqida o'z fikrini bildirib o'tdi.

"Kuchsiz raqiblar bilan o'ynashdan foyda yo'qmi? O'ylashimcha, terma jamoa taklif etilmaganlar shunday deb hisoblashadi. Shuning uchun ular terma jamoaga borishdan ma'no yo'q, deya gapirishadi. O'sishni istagan futbolchi uchun terma jamoadagi har bir o'yin ajoyib imkoniyat.

Har qanday holatda ham bu qo'shimcha o'yin va raqobat. O'zbekiston, Qozog'iston kabi jamoalar — kuchsiz raqib emas. Ular bilan o'ynash qiziqarli bo'ladi", — dedi Kuchaev Championat.com nashriga bergan intervyusida.